Summary

Promotes Urdu language, literature, cultural expression, and the study of an important literary tradition.

Department Overview / Introduction

شعبہ اردو، تھل یونیورسٹی بھکر 2022ء میں قائم ہوا اور اپنے مختصر عرصۂ قیام میں علمی، ادبی اور تحقیقی میدان میں نمایاں پیش رفت حاصل کر چکا ہے۔ یہ شعبہ اردو زبان و ادب کے فروغ، تدریس اور تحقیق کے لیے ایک فعال اور متحرک مرکز کی حیثیت رکھتا ہے۔ شعبہ میں بی ایس اردو اور ایم فل اردو کے پروگرام کامیابی سے جاری ہیں، جہاں طلبہ کو زبان و ادب، تحقیق، تنقید، لسانیات اور تخلیقی ادب کی معیاری تعلیم فراہم کی جاتی ہے۔ شعبہ اردو کا بنیادی مقصد طلبہ میں علمی، تحقیقی اور تخلیقی صلاحیتوں کو فروغ دینا اور انہیں عصر حاضر کے تقاضوں سے ہم آہنگ کرنا ہے۔ اس مقصد کے حصول کے لیے شعبہ باقاعدگی سے سیمینارز، کانفرنسوں، مشاعروں، ادبی نشستوں اور دیگر علمی و ادبی سرگرمیوں کا انعقاد کرتا ہے۔ شعبہ کے قیام سے اب تک سینکڑوں طلبہ اس سے مستفید ہو چکے ہیں جبکہ بڑی تعداد میں طلبہ زیرِ تعلیم ہیں۔ شعبہ کے طلبہ نے حکومتی اور میرٹ کی بنیاد پر دی جانے والی سینکڑوں اسکالرشپس اور لیپ ٹاپ حاصل کیے ہیں۔ متعدد طلبہ قومی سطح کے ممتاز اداروں میں انٹرن شپ کے مواقع حاصل کر چکے ہیں جبکہ کئی فارغ التحصیل طلبہ مختلف سرکاری اور نجی اداروں میں اپنی خدمات انجام دے رہے ہیں۔ شعبہ کے طلبہ کے تحقیقی مضامین، کالم، افسانے، مضامین اور شاعری قومی و بین الاقوامی جرائد و اخبارات میں شائع ہو چکے ہیں، جو شعبہ کی علمی و تحقیقی سرگرمیوں کا واضح ثبوت ہیں۔ شعبہ اردو، تھل یونیورسٹی بھکر اردو زبان و ادب کے فروغ، معیاری تحقیق اور کردار سازی کے لیے مسلسل کوشاں ہے اور مستقبل میں مزید علمی و ادبی خدمات انجام دینے کے عزم کے ساتھ آگے بڑھ رہا ہے۔